احساسِ کمتری اور تواضع میں فرق

فرمایا کہ احساسِ کمتری کا مطلب یہ ہے کہ انسان اپنے آپ کو حقیر سمجھ کر مایوس ہو جائے کہ مجھ سے کوئ عمل نہیں ہو سکتا، اور اس کی بنا پر تقدیر سے شاکی ہو۔ یہ غلط ہے۔ لیکن ایک چیز ہے تواضع جس کا مطلب یہ ہے کہ انسان کسی بھی آدمی کو دیکھ کر یہ سوچے کہ کیا پتہ اس کا درجہ اللّہ تعالیٰ کے ہاں مجھ سے بلند ہو، اور کسی کو حقیر نہ سمجھے۔ اس حالت میں انسان ہر نعمت کو اپنے استحقاق سے بلند سمجھتا ہے، اس لیے وہ تقدیر کا شاکی نہیں ہوتا، بلکہ ہر نعمت پر احسان مند ہوتا ہے۔