فرمایا، " شیخ سے تعلق ہونے کا اتنا بڑا فائدہ ہوتا ہے کہ بالکل ایسا لگتا ہے کہ جیسے ایک پہریدار بیٹھا ہوا ہو۔ جیسے ہی کسی گناہ کی طرف میلان ہو تا ہے وہ پہریدار اس کو روک لیتا ہے جیسے لگام کھینچ لی گئ ہو۔ اس لیے اپنے شیخ سے زیادہ سے زیادہ تعلق پیدا کرنے کی کوشش کرنا چاہیے۔" ایک خادم نے عرض کیا، "حضرت! اس تعلق میں اضافہ کرنے کے لیے کیا کرنا چاہیے؟" حضرت نے ہنس کر سامنے بیٹھے ہوئے خدّام کی طرف اشارہ کرتے ہوئے فرمایا، "بس ’ایسے‘ ہی بڑھ جاتا ہے۔" (مطلب یہ کہ جتنا زیادہ خدمت میں حاضر ہوتا رہے گا اتنا ہی تعلق بڑھتا جائے گا۔)